Jarylǵysh zatta qoldanylatyn ýly synapty satqan kúdikti ustaldy
ASTANA. QazAqparat - Astana qalasynda ýly «synapty» satpaq bolǵan 27 jastaǵy OQO turǵyny ustaldy, dep habarlaıdy QazAqparat.
Astana qalasynyń ІІD baspasóz qyzmetiniń keltirgen málimetine sáıkes, 2017 jyldyń 21 jeltoqsanynda elorda aýmaǵynda belgisiz bireýdiń ýly synapty satpaq bolǵany týraly jedel aqparat kelip túsken. Atalǵan fakt sotqa deıingi tergeý amaldarynyń tizilimine QR QK 301-baby 1-bóligi boıynsha tirkelgen.
Saraptama jumystary tabylǵan zattyń ýly «synap» ekenin anyqtaǵan. Budan keıin Astananyń tártip saqshylary OQO ІІD qyzmetkerlerimen birge synapty saýdalap júrgen azamattyń izine túsedi.
«Atalmysh zat jarylǵysh qurylǵyny ázirleý úshin qoldanylýy múmkin. Osy jaıdy esepke alǵan Astana qalasynyń tártip saqshylary ótkizýshiniń turǵylyqty jeri Ońtústik Qazaqstan oblysyna barady. 3 aqpan kúni jedel izdestirý sharalary barysynda Astana qalasynyń ІІD ekstremızmge qarsy basqarma qyzmetkerleri OQO ІІD quqyq qorǵaýshylarymen birge 150 grammdyq synapty 29.600 AQSh dollaryna taǵy satpaq bolǵan 27 jastaǵy OQO turǵynyn ustady», - dep habarlaıdy vedomstvodan.
Qazirgi ýaqytta kúdikti Shymkent qalasynyń ІІB ýaqytsha oqshaýlaǵyshyna qamalǵan. Birlesken tergeý amaldary júrgizilip jatyr.
