Jarylǵysh zat qoıylǵandyǵy týraly habarǵa sáıkes Astanadaǵy kolledjderdiń birinen 815 adam qaýipsiz jerge kóshirildi

Qazaqstannyń Tótenshe jaǵdaılar mınıstrliginen habarlaǵandaı, 14 jeltoqsan kúni 16 saǵat 32 mınýtta Tótenshe jaǵdaılar departamentiniń kezekshi bólimine, Saryarqa aýdany Konstıtýtsııa kóshesinde ornalasqan atalmysh kolledjge jarylǵysh zat qoıylǵandyǵy týraly anonımdi habar kelip túsken.

Tótenshe jaǵdaıdy joıýǵa dereý QR TJM Astana qalasy boıynsha TJD-nyń shuǵyl áreket etý qyzmetiniń 16 adamy men 2 tehnıkasy, QR TJM «TsRAOSO» Memlekettik mekemesiniń 5 adamy men 1 tehnıkasy jáne QR TJM «Apatty medıtsına ortalyǵy» mekemesiniń 3 adamy men 1 tehnıkasy jóneltildi.

Mınıstrlikten anyqtaǵandaı, qurbandar men zardap shekkender joq. Júrgizilgen arnaıy is-sharalar barysynda jarylǵysh zat tabylmady.