Jarylǵysh zat qoıyldy degen aqparatqa baılanysty Oral qalasyndaǵy mektepten 600 oqýshy qaýipsiz jerge kóshirildi
ASTANA. Naýryzdyń 10-y. QazAqparat - Jarylǵysh zat qoıyldy degen aqparatqa baılanysty Oral qalasyndaǵy mektepterdiń birinen 600 oqýshy qaýipsiz jerge shyǵaryldy,
dep habarlady QR TJM-nan.
Vedomstvo baspasóz qyzmetiniń málimetine sáıkes keshe, naýryzdyń 9-y kúni saǵat 15.10-da «102» nómirine Qurylysshy kóshesinde ornalasqan №9 orta mektepke jarylǵysh zattyń qoıylǵandyǵy týraly habar kelip túsken. Alynǵan aqparatqa baılanysty 600 oqýshy dereý ǵımarattan shyǵarylǵan, alaıda júrgizilgen arnaıy sharalardyń nátıjesinde jarylǵysh zat tabylǵan joq.
