Jarylǵysh materıaldarymen jumys isteıtin adamdarǵa ruqsat berýde tıisti baqylaý joq - Gúlnár Bıjanova
«Qazaqstan Respýblıkasynyń Іshki ister organdary týraly» Zańǵa engizilgen birqatar túzetýler nátıjesinde sońǵy ýaqytta quqyq qorǵaý organynyń tulǵalarǵa jarylys materıaldaryna qatysty jumystarǵa ruqsat berý máselesi jónindegi quzyreti alynyp tastaldy. Qazirgi ýaqytta bul qyzmet eshqandaı memlekettik organǵa bekitilmegen», - dedi depýtat QR Premer-Mınıstr Baqytjan Saǵyntaevtyń atyna joldaǵan saýalynda.
Onyń sózine qaraǵanda, lańkestik pen ekstremızm faktileriniń jolyn kesý jónindegi zańnamalyq jáne ınstıtýtsıonaldyq sharalar keshenin qabyldaý barysynda ónerkásip maqsatyndaǵy jarylys zattar salasyndaǵy úderisterdi naqty reglametteý máselesi de óte mańyzdy. Sońǵy jyldary jarǵysh personaldary biliktiliginiń tómendigine baılanysty jazataıym oqıǵalar oryn aldy.
Budan basqa, ishki ister organdarynda kásiporyndardan metall synyqtarymen birge nemese ózge de tásildermen jarylǵysh materıaldarynyń bólshekteri shyǵarylatyn jaǵdaılar tirkeledi.
Depýtattyń atap ótýinshe, jarylǵysh materıaldary aınalymynda jumys isteıtin personaldardy daıarlaýmen tıisti qyzmet túrine ruqsaty nemese attestaty bar uıymdar aınalasady. Atalǵan materıaldar aınalymynda jumys isteıtin personaldyń monıtorıngin júrgizý men olardy esepke alý múmkindigi joq. Sonymen qatar Qazaqstanda jarylǵysh materıaldaryn paıdalaný týraly qoımalarda saqtalyp otyrǵan kólemi boıynsha, osyndaı zattardyń aınalymyna qatysýshy sýbektiler turǵysynda naqty derekter eskerilmegen.
Osy máselelerge baılanysty birqatar sharalardy qabyldaý usynysy jasalyp otyr. Bul rette jarǵysh isi sheberleri men tehnolog mamandardy arnaıy oqý oryndarynda daıarlaý; jarylǵysh materıaldary aınalymynda jumys isteıtin adamdardy tolyq esepke alýdy qamtamasyz etý; jarylǵysh zattar aınalymyn baqylaýdyń biryńǵaı aqparattyq júıesin ázirleý; tıisti resýrstary bar Іshki ister mınıstrligine jarylǵysh materıaldarymen baılanysty jumystarmen aınalysýǵa adamdarǵa ruqsat berý quzyretin qaıta berý qamtylyp otyr.
