Jaryqtyń sónip qalýy Astananyń tirshiligine áser etken joq - TJM
ASTANA. Qańtardyń 25-i. QazAqparat - Jaryqtyń apatty jaǵdaıda sónip qalýy Astananyń tirshiligine áser etken joq, dep habarlady respýblıkanyń tótenshe jaǵdaılar vedomstvosynan.
Senbi, qańtardyń 23-i kúni avtotransformator sónip qalyp, Astana birneshe saǵatqa jaryqsyz boldy. Elorda ákimdiginiń baspasóz qyzmetinen habarlaǵandaı, «aldyn-ala málimetter boıynsha, Ortalyq qalalyq 500 kVt tómendetýshi podstansyda oryn alǵan apattyń saldarynan, saǵat 18.30-dan bastap Astananyń birqatar aýdandary jaryqsyz qaldy». Apat saldarynan, 1-jáne 2-shi jylý-elektr stansylarynyń qalypty jumysyn saqtaý úshin qajetti elektr qýaty avtomatty túrde jıilikpen sóndirildi.
Osynyń nátıjesinde Astana qalasynyń 60 paıyz aýmaǵynda jaryq qysqa merzimge sóndirildi.
Saǵat 19.01-de elektr qýatynyń júıeleri úılestirildi jáne tutynýshylar elektr júıesine jartylaı qosyldy. Saǵat 22.40-taǵy jaǵdaı boıynsha qalada elektr qýatymen jabdyqtaý júıesi qalpyna keltirildi.
Tótenshe jaǵdaılar vedomstvosynan habarlaǵandaı, bul oqıǵa qalanyń tirshiligine áser etken joq. Tótenshe oqıǵanyń saldaryn joıýǵa arnaıy brıgada jumyldyryldy. Apattyń sebebin oqıǵa ornynda «KEGOK» kompanııasynyń komıssııasy anyqtady.
