Jartyjyldyqtyń qorytyndysy boıynsha BUDSJ-niń Qaraǵandy oblysynda engizilý barysyn baǵalandy
ASTANA. 20 shilde. QazAqparat - Búgin QR Densaýlyq saqtaý mınıstri Salıdat Qaıyrbekova jumys babyndaǵy saparmen Qaraǵandy oblysynda boldy,
dep habarlady atalǵan vedomstvonyń baspasóz qyzmetinen.
Sapardyń maqsaty - 2011 jyldyń birinshi jartyjyldyǵynyń qorytyndysy boıynsha Biryńǵaı ulttyq densaýlyq saqtaý júıesiniń (BUDSJ) oblysta engizilý barysyn baǵalaý.
QR Densaýlyq saqtaý mınıstri jumys sapary barysynda №3, №4 emhanada, «GTs PMSP» JShS emhanasyna, oblystyq kardıohırýrgııalyq ortalyqta, Maqajanov atyndaǵy Travmatologııa jáne ortopedııa ortalyǵynda, oblystyq perınataldyq ortalyqta bolyp, jumys barysymen tanysty. Sonymen qatar, oblystyń medıtsınalyq qoǵamdastyǵy men ÚEU ókilderimen kezdesý ótkizip, patsıentterdiń quqyǵyn qorǵaý jáne medıtsınalyq qyzmet sapasyna qatysty máselelerdi talqylady.
Elimizdiń densaýlyq saqtaý júıesin damytýda 2011-2015 jyldarǵa arnalǵan Qazaqstan Respýblıkasynyń densaýlyq saqtaý salasyn damytýdyń «Salamatty Qazaqstan» memlekettik baǵdarlamasy mańyzdy kezeń bolyp tabylady. BUDSJ engizý atalǵan memlekettik baǵdarlamanyń maqsaty, mindetteri jáne baǵyttaryna sáıkes keledi.
Qaraǵandy oblysynda Biregeı tóleýshi júıesinde statsıonarlyq jáne statsıonardy almastyrýshy kómek kórsetetin 81 medıtsınalyq qyzmet kórsetýshi tirkelgen, onyń 21-i - jekemenshik uıymdar. Olardyń sany 2010 jylmen salystyrǵanda 5 paıyzǵa ulǵaıyp, jalpy kólemniń 26 paıyzyn quraıdy. Bul patsıent úshin aýrýhanalar arasynda básekelestik ortanyń damyǵanyn kórsetedi.
2011 jyldyń birinshi jarty jyldyǵynda josparly túrde aýrýhanaǵa jatý úshin Gospıtalge jatqyzý bıýrosy portaly arqyly statsıonardy erkin tańdaý quqyǵyn Qaraǵandy oblysynyń 32 365 turǵyny paıdalanǵan, onyń 24 paıyzy - aýyl turǵyndary. Patsıentterdiń 91 paıyzy óz oblysy aýmaǵynda emdelýdi jón kórse, 0,2 paıyzy ózge óńirlerdi tańdaǵan, al 8 paıyzy respýblıkalyq emhanalarda mamandandyrylǵan kómek alǵan. Naýqastardyń jalpy sanynyń 89 paıyzy on kúnniń ishinde emdeý oryndaryna jatqyzylǵan.
2011 jyldan bastap joǵary mamandandyrylǵan medıtsınalyq kómek (JMMK) alý úshin patsıentterdi jiberý Gospıtalge jatqyzý bıýrosy portaly arqyly júzege asyrylyp, bul úrdistiń ashyqtyǵyn, jedeldigin qamtamasyz etti.
Qaraǵandy oblysynyń turǵyndary úshin medıtsınanyń joǵary tehnologııalar salasyndaǵy ozyq jetistikteri qoljetimdi bola tústi. 2009 jyly JMMK tek Qaraǵandy qalasyndaǵy oblystyq kardıohırýrgııalyq ortalyqta kórsetilse, 2011 jyly qyzmettiń bul túrin óńirde 6 medıtsınalyq uıym usynýda. ıAǵnı, medıtsınalyq qyzmetter tizimi keńeıip, travmatologııalyq, neırohırýrgııalyq beıindegi jáne buǵan deıin tek respýblıkalyq emhanalarda atqarylyp kelgen ózge de kúrdeli operatsııalardy jasaýǵa múmkindik týdy.
2010 jyldyń qyrkúıek aıynan bastap medıtsınalyq kómektiń 6 beıini boıynsha erte qalpyna keltirý jáne medıtsınalyq ońaltý tehnologııalary tuńǵysh ret engizildi. Qaraǵandy oblysynyń medıtsınalyq uıymdarynda járdemniń mundaı túrlerin travmatologııalyq, ortopedııalyq, nevrologııalyq, neırohırýrgııalyq, kardıohırýrgııalyq jáne kardıologııalyq aýrý túrleri boıynsha 2105 patsıent aldy.
2011 jyldan bastap ambýlatorııalyq-emhanalyq deńgeıde BUDSJ ekinshi kezeńin engizý bastaldy. Emniń ambýlatorlyq bólimin skrınıngtik baǵdarlamalardy keńeıtý, qosymsha qyzmetter endirý, bastapqy medıtsınalyq-sanıtarlyq kómektiń áleýmettik baǵdarlanǵan úlgisin engizý, alys eldi mekender turǵyndary úshin ıkemdi medıtsınanyń qoljetimdiligin qamtamasyz etý, sanıtarlyq avıatsııany damytý arqyly tolyqtyrýdy kózdeıdi.
Memlekettik baǵdarlamany júzege asyrý boıynsha is-sharalar josparyna sáıkes bastapqy medıtsınalyq-sanıtarlyq kómek (BMSK) tarıfine qosymsha komponent engizý qarastyrylǵan. Bul profılaktıkalyq jumystardy yntalandyrý jáne óńirlerde BMSK boıynsha shyǵyndardy teńdestirýdi kózdeıdi.
Aǵymdaǵy jyldyń birinshi toqsanynyń qorytyndysynda uıymdar qyzmetiniń baǵasyn eskere otyryp, BMSK tarıfine yntalandyrý komponenti retinde óńirlerge 2,2 mlrd. teńge qarjy baǵyttalsa, onyń 277 mln. teńgeden astamy Qaraǵandy oblysyna tıesili.
Qazirgi ýaqytta sońǵy nátıjege baılanysty medıtsınalyq qyzmetkerlerge saralanǵan eńbekaqy tóleý úshin jaǵdaılar jasalǵan. BUDSJ engizilýine baılanysty aktsıonerlik qoǵamdar, sharýashylyq júrgizý quqyǵyndaǵy kásiporyndarda medıtsınalyq qyzmetkerlerdiń jalaqysy 16-34 paıyzǵa kóterilgen.
Erte dıagnostıkalaýdy damytý, profılaktıkalyq tekserýler, skrınıngter ótkizý jáne konsýltatıvtik-dıagnostıkalyq medıtsınalyq kómek kórsetý, aýyldyq eldi mekenderdiń turǵyndaryna dári-dármekterdiń qoljetimdiligin qamtamasyz etý maqsatynda jyljymaly medıtsınalyq keshender arqyly járdem kórsetile bastady. Sonymen qatar, statıstıkalyq eseptiń avtomattandyrylǵan júıesin engizý jáne medıtsınalyq qyzmetterdiń jeke esebin endirý baǵytynda jumystar jalǵastyrylyp, densaýlyq saqtaý salasyndaǵy menedjmentti jetildirýge yqpal etedi.
BUDSJ qaǵıdalaryn engizý Qazaqstan Respýblıkasy Densaýlyq saqtaý mınıstrliginiń 2011-2015 jyldarǵa arnalǵan Strategııalyq josparynda kózdelgen ult densaýlyǵyn jaqsartýdyń maqsatty kórsetkishterine jetýge múmkindik beredi.
