Jartyjyldyqta 3,6 myń adam qutqaryldy - V. Bojko
ASTANA. 23 shilde. QazAqparat - 2013 jylǵy 6 aıda TJM kúshteri 3638 adamdy qutqardy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Tótenshe jaǵdaılar mınıstri Vladımır Bojko málim etti.
Onyń sózine qaraǵanda, tótenshe jaǵdaılar aımaǵynan 5243 adam qaýipsiz jerge kóshirilip, 1517 zardap shekken adamǵa alǵashqy medıtsınalyq qyzmet kórsetildi.
Ótken jyldyń uqsas kezeńimen salystyrǵanda tótenshe jaǵdaılar sany 20,2 paıyzǵa, qaıǵyly oqıǵa saldarynan qaza bolǵandar 18,1 paıyzǵa, zardap shekkender 22,2 paıyzǵa azaıdy. TJ keltirgen materıaldyq zalal 18,7 paıyzǵa tómendedi.
«TJM bólimsheleri turaqty túrde qajetti kúsh, ol táýlik boıy ázirlikte turady. Jyl boıyna ár táýlikte biz azamattarǵa kómek kórsetýge 100-240 ret shaqyrtýǵa shyǵamyz»,-deıdi V. Bojko.
