Jartylaı jalańash elordalyq turǵyn kóshedegi kólikterdi zaqymdady
ASTANA. QazAqparat - Astanada Imanov kóshesi boıyndaǵy aýlalardyń birinde jartylaı jalańash er adam birneshe avtokólikti zaqymdady, dep habarlaıdy QazAqparat elorda.info saıtyna silteme jasap.
Belgili bolǵandaı, bul oqıǵany beınetaspaǵa túsirip alǵandar ony áleýmettik jelide jarııalaǵan. Keıin, beınedegi adam elorda turǵyny ekeni anyqtaldy jáne ol alkogoldi mas kúıinde bolǵan.
«14 qarasha kúni saǵat 22:30 kezinde Imanov kóshesi boıyndaǵy turǵyn úıdiń aýlasynda polıtseıler 29 jastaǵy jergilikti turǵyndy ustady. Buzaqylyq faktisi boıynsha sotqa deıingi tergeý amaldary bastaldy. Qazirgi kezde keltirilgen shyǵyn somasy anyqtalyp jatyr»,- dep atap ótilgen elordalyq ІІD baspasóz qyzmetiniń málimetinde.
