Jartylaı marafon: 18 maýsymda elordada keıbir kósheler ýaqytsha jabylady
ASTANA. QazAqparat – 18 maýsymda elordada Astana Half Marathon jartylaı marafony ótedi. Osyǵan baılanysty qalada keıbir kóshelerde qozǵalys ishinara jabylady, dep habarlaıdy QazAqparat Astana ákimdiginiń resmı saıtyna silteme jasap.
Astanada jartylaı marafon EXPO halyqaralyq kórme ortalyǵynyń aýmaǵynan bastaý alady. Aıta keterligi, EKSPO-qalashyq mańyndaǵy ýchaskede qozǵalys 17 maýsym kúni saǵat 16:00-den 18 maýsym kúni saǵat 18:00-ge deıin jabylady.
Túrkistan kóshesi boıynsha EXPO ǵımaratynan Syǵanaq kóshesine deıingi qozǵalys 18 maýsym kúni saǵat 06:00-den 08:00-ge deıin jabylady.
Syǵanaq kóshesiniń Túrkistan kóshesinen Táýelsizdik dańǵylyna deıingi aralyqtaǵy qozǵalys 07:00-den 09:00-ge deıin jabylady.
Táýelsizdik dańǵylynyń Syǵanaq kóshesinen Saraıshyq kóshesine deıingi ýchaskesinde qozǵalys saǵat 07:20-dan 10:00-ge deıin jabylady.
Saraıshyq kóshesiniń Táýelsizdik dańǵylynan Máńgilik El dańǵylyna deıin, soltústik aınalymnyń bóligin qosa alǵanda, qozǵalys saǵat 07:20-dan 10:00-ge deıin jabylady.
Máńgilik El dańǵylynyń ýchaskesindegi aınalymnyń ońtústik jaǵynan Qonaev kóshesine deıingi qozǵalys saǵat 07:40-tan 10:00-ge deıin jabylady.
Qonaev kóshesinde Máńgilik El dańǵylynan Turan dańǵylyna deıingi qozǵalys saǵat 07:50-den 10:50-ge deıin jabylady.
Qonaev kóshesinde «Han Shatyr» SOO aýmaǵynyń aınalasy saǵat 07:50-den 10:50-ge deıin jabyq bolady.
Dostyq kóshesiniń Turan kóshesinen Aqmeshit kóshesine deıingi aralyqta qozǵalys saǵat 07:50-den 11:00-ge deıin jabylady.
Aqmeshit kóshesiniń Dostyq kóshesinen EXPO ortalyǵyna deıingi aralyqta qozǵalys saǵat 08:00-den 11:20-ǵa deıin jabylady.
Málimetter jarysqa qatysýshylardyń qozǵalys ýaqytyn utymdy bólýin eskere otyryp engizildi.
EKSPO ortalyǵyna kólik arqyly jetý úshin usynylatyn marshrýt:
1) Turar Rysqulov kóshesi arqyly;
2) Máńgilik El dańǵylynyń Qonaev kóshesinen Ábish Kekilbaev kóshesine deıin;
3) Qabanbaı batyr dańǵylymen «MEGA Silk Way» SOO-ǵa deıin.
Joldarda qozǵalystyń qarqyndy bolýyna baılanysty qatysýshylarǵa Rysqulov kóshesi men Máńgilik El dańǵylynyń qıylysyna deıin avtobýspen start ornyna (EXPO) jetý usynylady. Qalashyq mańyndaǵy turaq jabyq bolady.
