Jartylaı fınalǵa shyqqan balýandar belgili boldy - Qazaqstan Barysy
NUR-SULTAN. QazAqparat - Qazaqstan Barysy týrnıriniń jartylaı fınalyna shyqqan balýandardyń esimi belgili boldy, dep habarlaıdy QazAqparat.
Shırek fınaldyń alǵashqy kezdesýde Shyǵys Qazaqstan oblysynyń namysyn qorǵaǵan Erasyl Qajybaev Jambyl oblysynyń ókili Ǵalymjan Qyryqbaevpen beldesken bolatyn. Jambyldyq balýan 2021 jylǵy «Ásker barysyn» búk uıpamen jeńdi.
Al ekinshi kezdesýgee eki dúrkin Qazaqstan Barysy Aıbek Nuǵymarov pen 2017 jylǵy Qazaqstan Barysy Elaman Erǵalıev shyqty. Bul beldesýde Elaman Erǵalıev qarsylasyn «jartylaı» jeńis» upaıymen utty.
Úshinshi beldesýde osy týrnırdiń «kúmis» jáne «qola» júldegeri Rýslan Ábdirazaq Mańǵystaý oblysynyń ókili Nurdáýlet Jarylǵapovpen beldesken. Negizgi ýaqytta bir-birin ala almaǵan qarsylastar jartylaı fınal joldamasyn qosymsha «beldesýde» anyqtady. Syn saǵatta qarsylasynyń qos jaýyrynyn jerge tıgizgen Nurdáýlet Jarylǵapov «taza jeńis ádisimen» kelesi aınalymǵa shyqty.
Taǵy bir shyǵysqazaqstandyq Dáýren Nuralınov shırek fınaldyń tórtinshi kezdesýinde astanalyq Oljas Shynkeevke qarsylas atanǵan. Dáýren Nuralınov eki «jambas» upaıymen jartylaı fınaldyń sońǵy joldamasyn ıelendi.
Eske salsaq, taǵy bir Qazaqstan Barysy Muhıt Tursynov týrnırden birinshi aınalymda
Bıyl týrnırdiń birinshi oryn ıegerine 25 mln teńge, bapkerine 3 mln 500 myń teńge. Ekinshi oryn ıegerine 5 mln 500 myń teńge, bapkerine 1 mln 800 myń teńge. Úshinshi oryn ıegerine 1 mln 800 myń teńge beriledi.
