Jartylaı fınalda sál jyldamdyǵym jetpeı qaldy - Abylaıhan Júsipov
ASTANA. QazAqparat - Germanııanyń Gambýrg qalasynda bokstan ótip jatqan álem chempıonatynda ózbekstandyq Shahram Gııasovtan tóreshilerdiń sheshimimen jeńilip, qola júldege ıe bolǵan Abylaıhan Júsipov óziniń jekpe-jegine qatysty pikiri bildirdi, dep habarlaıdy «QazAqparat» HAA tilshisi.
«Taspany qaıta aınaldyryp qaraý kerek. Aǵa bapkerlerdiń qoıǵan taktıkasyn ustandym. Ókinishke oraı, keıbir sátterdi ózim durys istemedim. Sol sebepti jeńis ana jaqqa ketip qaldy. Keıingi jaraqat qaıta ashylyp jatyr. Oıymda tek qana revansh bolǵan. Kóbinese sol aldyńǵy nómirdegi taktıkamen shyqqan bolatynbyz. Qarsylasqa qaraı ótetin soqqylardy urǵymyz keldi. Sál jyldamdyq jetpeı qaldy dep oılaımyn», - deıdi Abylaıhan Júsipov.
Eske sala ketsek, Abylaıhanmen birge bokstan álem chempıonatynda Jomart Erjan men Vasılıı Levıt te qola medalge ıe bolǵan bolatyn. Chempıonatty Qazsport arnasynan tikeleı efırde kórsetip jatyr.
