Jartylaı aýyr salmaqtaǵy UFC chempıonynyń qanynan dopıng tabyldy
ASTANA. QazAqparat - Danıel Kormemen jekpe-jek aldynda tapsyrǵan jartylaı aýyr salmaqtaǵy UFC chempıony Djon Djonstyń qanynan dopıng belgileri anyqtaldy.
Bul jaıly UFC saıtynda jarııalandy.
TMZ málimetinshe, 30 jastaǵy Djonstyń dopıng-synamasynan steroıdty týrınabol tabylǵan.
Sportshy isimen amerıkalyq dopıngke qarsy agenttik (USADA) aınalysatyn bolady.
Synama 28 shilde kúni alynǵan. Al, 29 shilde kúni Djons jartylaı aýyr salmaqta Kormeni nokaýtqa túsirip, UFC chempıonynyń tıtýlyn jeńip aldy.
2016 jyldyń qarasha aıynda Djons oń nátıjeli dopıng-synamasy úshin bir jylǵa dıskvalıfıkatsııalandy. 2015 jyly onyń kinásinen bolǵan jol apaty kezinde oqıǵa ornynan izin jasyrǵany úshin polıtsııa qyzmetkerleri sportshyny qamaýǵa alyp, UFC chempıondyq tıtýlynan aıyrdy.
Óziniń eń alǵashqy tıtýlyn boksshy 23 jasynda alyp, UFC tarıhyndaǵy eń jas chempıon atanǵan bolatyn.
