Jarty jylda Ulttyq qorǵa 942 mlrd teńge túsken
Úkimettiń keńeıtilgen otyrysynda Ulttyq bank tóraǵasy Erbolat Dosaev osyndaı aqparat berdi.
«Bıyl birinshi jartyjyldyqta Ulttyq qordyń aktıvteri bıýdjetke 2,1 trln teńge somasynda transfertter bólý esebinen 57,5 mlrd AQSh dollaryna deıin tómendedi. Osy ýaqyttaǵy túsim 942 mlrd teńge boldy», - dedi Erbolat Dosaev.
Onyń aıtýynsha, alǵashqy 6 aıdaǵy naryqtardyń qubylmalyǵyna qaramastan, Ulttyq qordyń kiristiligi 2,5%-ǵa jetken. Jyl aıaǵyna deıin ósim 3 mlrd dollarǵa jetedi degen boljam bar.
«Altyn-valıýta rezervteri bıylǵy jylǵy birinshi jartyjyldyqta 35,1 mlrd AQSh dollaryna deıin 580 mln AQSh dollaryna tómendedi. Altyn portfeli altyn baǵasynyń 7%-ten astam tómendeýi aıasynda, sondaı-aq optsıondyq strategııalardy oryndaý sheńberinde altyndy satýǵa baılanysty 1,8 mlrd AQSh dollaryna qysqardy. Nátıjesinde jalpy halyqaralyq rezervter altyn baǵasynyń qubylmalylyǵyna jáne respýblıkalyq bıýdjetke transfertterdi bólýine baılanysty 92,6 mlrd AQSh dollaryn qurady», - dedi Ulttyq bank tóraǵasy.