Jarty jylda TJD qyzmetkerleri 44 adamdy qutqardy
ASTANA. 16 shilde. QazAqparat - Bıylǵy jyldyń alǵashqy jartyjyldyǵynda 1149 shuǵyl shaqyrtý bolǵan. Bul ótken jyldyń osy kezeńimen salystyrǵanda 26%-ǵa (1561 shaqyrtý) az. Bul týraly jartyjyldyqtyń qorytyndysyn shyǵarǵan Astana qalasynyń Tótenshe jaǵdaılar departamenti málim etti.
«Bıylǵy jyldyń alǵashqy alty aıynda Departament bólimsheleri 1149 shuǵyl shaqyrtýǵa shyqqan. Sonyń ishinde 57 jaǵdaı apattyq-qutqarý jumystaryna baılanysty oryndalǵan. Al 2012 jyly ol 22 bolsa, 63 %-ǵa ulǵaıǵan», - dep habarlaıdy vedomstvodan.
Sonymen qatar, apattyq-qutqarý jumystarynyń artýy esikterdiń jabylyp qalýynan, adamdardy úılerdiń samaldyqtarynan túsirip alý, sonyń ishinde sýıtsıdtik sıpattaǵy oqıǵalarǵa shaqyrýlar esebinen bolyp otyr. Nátıjesinde, 44 adam qutqaryldy. 2012 jyly bul turǵyda 70 adam quqarylǵan edi. Sonymen qatar adamdardy qaýipsiz jerge kóshirý oqıǵasy 16 %-ǵa tómendedi.
Elordanyń resmı saıtynyń jazýynsha, jalpy, ótken ýaqytta Astana aımaǵynda 454 tótenshe jaǵdaı oryn alsa, osy kezeńmen salystyrǵanda byltyr 604 oqıǵa tirkelip, tótenshe jaǵdaılar 25%-ǵa tómendedi.
Qanshama kúsh salynǵanymen, tótenshe jaǵdaılar kezinde 29 adam (2012 jyly - 33 adam) kóz jumyp, 144 adam (2012 jyly - 192 adam) zardap shekti. 38 mln. 900 myń teńge (2012 jyly - 76 mln. 200 myń tg.) shyǵyn keltirildi.
