Jarty jylda órt qaýipsizdigi erejesin saqtamaǵan laýazymdy tulǵalarǵa 57,4 mln teńge aıyppul salyndy
«1 qańtardan bastap profılaktıkalyq baqylaý nátıjeleri boıynsha jańa retteýshi saıasattyń engizilýine baılanysty sýbektiler ákimshilik jaýapqa tartylmaıdy. Degenmen bul rette ákimshilik praktıka jelisi boıynsha jumys jospardan tys tekserýler men órtter kezinde quqyq buzýshylyqtar bolǵan jaǵdaılarda ǵana jalǵasady. Baqylaý profılaktıkalyq qyzmet sheńberinde órtke qarsy jaı-kúıge 8 201 tekserý júrgizildi. Onyń nátıjesinde 69 365 talapqa sáıkes kelmeý faktileri anyqtaldy. Olqylyqqa jol bergen 7 124 adam ákimshilik jaýapqa tartyldy, onyń ishinde 1 266 laýazymdy tulǵaǵa 57,4 mln teńge aıyppul salyndy», - dep jazylǵan Tótenshe jaǵdaılar mınıstrliginiń saıtynda jarııalanǵan jarty jyl ishindegi jumystardyń esebinde.
Buǵan qosa, ónerkásip qaýipsizdigi salasyndaǵy memlekettik qadaǵalaý barysynda 327 profılaktıkalyq tekseris júrgizilgen. Onyń qorytyndysy boıynsha 9 myńnan asa ereje buzý faktileri anyqtalyp, 292 nysannyń qyzmeti toqtatyldy. Sonymen qosa olarǵa jalpy somasy 22,2 mln teńge bolatyn aıyppul salynǵan.
