Jarty jylda Qytaı jáne Qazaqstan shekarasyndaǵy saýda-sattyq 53%-ǵa ósti
ASTANA. QazAqparat - Bıylǵy jyldyń birinshi jartyjyldyǵynyń nátıjesi boıynsha Alashankoý baqylaý-ótkizý pýnkti arqyly ótken saýda kólemi 5,3 mlrd dollardy qurady.
Bul byltyrǵy jyldyń osy kezeńimen salystyrǵanda, 52,8% artyq. Bul jaıly jergilikti keden qyzmetiniń málimetterine silteme jasaǵan Sınhýa agenttigi habarlaıdy.
Statıstıka málimetterine súıensek, jarty jyl ishinde atalǵan baqylaý-ótkizý beketindegi Shyńjań-Uıǵyr avtonomdy ólkesi shekarasynyń Qazaqstanmen júk almasýy 13,1%-ǵa, 8,51 mln tonnaǵa artqan.
«Beldeýler jáne joldar» boıyndaǵy elderde kópshilik tutynatyn taýarlar men qytaı óndirisindegi bolat prokatyna suranys artqan. Al, Qytaı tarapynan Ortalyq Azııa elderiniń paıdaly qazbalary men ósimdik jáne janýarlardan alynatyn azyq-túlikterge suranys basym. Qańtar-maýsym aılarynda Alashankoý arqyly Qytaıdan Eýropaǵa 287,4 myń tonna júk tıegen 821 taýar poıyzy jiberildi. Bul eki kórsetkish sáıkesinshe 49,5% jáne 14%-ǵa artty.
