Jarty jylda Qazaqstandaǵy ınflıatsııa 2,6% boldy
ASTANA. QazAqparat - 2018 jylǵy qańtar-maýsymda Qazaqstan Respýblıkasyndaǵy ınflıatsııa 2,6%-dy qurady, dep habarlaıdy QazAqparat QR Ulttyq ekonomıka mınıstrliginiń baspasóz qyzmetine silteme jasap.
Baǵa azyq-túlik taýarlaryna aǵymdaǵy jylǵy alty aıda - 2,9%, azyq-túlik emes taýarlarǵa - 2,5%, aqyly qyzmetterge 2,4%-ǵa ósken.
Aǵymdaǵy jyldyń basynan beri birshama azyq-túliktiń baǵasy ósti. Qyryqqabat - 49,1%, tátti burysh - 22,5%, qyzylsha - 18,3%, sábiz - 16,4%, qumsheker - 11,9%, jańadan jınalǵan jemister - 9,6%, kartop - 7,6%, máıekti irimshik - 7%, konservilengen sút - 6,2%, irimshik jáne súzbe - 5,5%, kofe - 5,2%-ǵa, sary maı, qyshqyl sút ónimderi - 4,1%, et ónimderi - 3,7%, jylqy eti - 3,5%-ǵa, qoı men sıyr eti - 3,4%, jańa saýylǵan sút - 3,3%, basty pııaz - 3,2%, shoshqa eti 2,9%-ǵa qymbattaǵan.
Arzandaǵan taýar túrleri de joq emes.
"Máselen qııardyń baǵasy - 41,1%, qyzanaq - 24,2%, qaraqumyq jarmasy - 19%, sarymsaq - 18,4%, jumyrtqa - 10,6%, qus eti - 1,9%, qara shaı 1,5%-ǵa tómendedi" delingen habarlamada.
Dızel otyny - 7,5%, ballondaǵy suıytylǵan gaz 4,2%-ǵa qymbattady, al benzın 1,3%-ǵa arzandady.
Aıtarlyqtaı qymbattaǵan qyzmetter de kezdesedi. Jolaýshylardyń áýe kóligimen jol júrý aqysy - 15,6%, qalaaralyq avtobýs - 4,9%, temir jol kóligimen - 3,6%, ishki qalalyq avtobýspen 3,1%-ǵa qymbattady.
