Jarty jylda Qazaqstan joldarynda 1 myń adam ajal qushty

ASTANA. QazAqparat - Bıyl jol-kólik oqıǵalary saldarynan 1015 adam qaza taýyp, 10 911 adam jaraqat aldy. Bul týraly búgin Ortalyq kommýnıkatsııalar qyzmetindegi brıfıngte QR Bas prokýratýracy Quqyqtyq statıstıka jáne arnaıy esepke alý jónindegi komıtettiń málimetinde habarlandy.

Belgili bolǵandaı, jol apattarynan ajal qushqandardyń kóbi Almaty oblysynda (196 adam) tirkeldi. Ońtústik Qazaqstan oblysynda bıylǵy alty aıda 159 adam, Jambyl oblysynda-90, Shyǵys Qazaqstan oblysynda 71 adam mert boldy.

«2014 jylǵy alty aıdaǵy jol-kólik oqıǵalaryn jáne zardap shekken adamdardy esepke alý málimetterine sáıkes, elimiz boıynsha 8608 oqıǵa tirkeldi. 2013 jyldyń osy kezeńinde bul kórsetkish 8462-ni qurady»,-delingen komıtet málimetinde. Osylaısha, bıyl tirkelgen JKO 1,7 paıyzǵa artyp otyr.