Jarty jylda ishki taýar aınalymy 6,9 paıyzǵa tómendedi – Saýda mınıstri
NUR-SULTAN. QazAqparat – Bıylǵy jarty jylda ishki taýar aınalymy 6,9 paıyzǵa tómendedi. Bul týraly Saýda jáne ıntegratsııa mınıstri Baqyt Sultanov málim etti, dep habarlaıdy QazAqparat tilshisi.
«Sońǵy 2 jylda ishki taýar aınalymy 11 protsenttik qarqynmen ósip, 37,5 trln teńgege jetti. Alaıda, bıylǵy jyldyń 6 aıynda ishki taýar aınalymy 6,9 paıyzǵa tómendep, 14,9 trln teńgeni qurady (2019 j. – 16 trln teńge). Sonymen qatar COVID-19 saldarynan saýda salasyndaǵy ınvestıtsııalar kólemi 48 paıyzǵa túsip ketti», - dedi mınıstri onlaın rejımde halyq aldynda esep berýi barysynda.
Onyń sózine qaraǵanda, naryqtardy zamanaýı saýda formatyna aýystyrý saladaǵy kásiporyndardyń ósimin 10 paıyzǵa, al jumyspen qamtylǵandardy 5 myń adamǵa arttyrýǵa yqpal etedi.
«Saýda ınfraqurylymyn jańǵyrtýda basty baǵyt – tsıfrlandyrý. Saýdanyń elektrondy júıesi otandyq taýar óndirýshiler men sheteldik seriktesterdi tartýǵa múmkindik berip, básekege qabilettilik pen sharttardyń ashyqtyǵyn qamtamasyz etedi. Bırja kotırovkalary naryqtyń jaǵdaıyn naqty kórsetip turady», - dedi Sultanov.
