Jarty jylda elimizde 350-ge jýyq adam astan ýlandy

ASTANA. QazAqparat – Jarty jylda elimizde tamaqtan 345 adam ýlandy, dep habarlaıdy QazAqparat tilshisi.

«2022 jyly tamaqtan jappaı ýlanýdyń 39 jaǵdaıy tirkelip, 712 adam zardap shekken. Sonyń arasynda 206 bala boldy. Al, 2023 jyldyń 6 aıynda osyndaı 15 jaǵdaı anyqtalyp, 345 adam astan ýlanǵan jáne onyń ishinde 131 bala bolǵan. Bıyl tamaqtan ýlaný saldarynan bir adam kóz jumdy», - delingen Densaýlyq saqtaý mınıstrliginiń «QazAqparat» agenttigine bergen jaýabynda.

Byltyrǵy 6 aıdaǵy málimetterge toqtalsaq, sol kezeńde 397 adam zardap shekken, sonyń arasynda 96 bala bar.

Budan buryn habarlanǵandaı, shilde aıynyń basynda Kentaýda fast-fýdtan ýlanǵandar sany 100-ge jetti.