Jarty jylda elimizde 30 myńǵa jýyq shetel azamaty jaýapqa tartyldy

NUR-SULTAN. QazAqparat – Bıyl jarty jylda elimizde 30 myńǵa jýyq shetel azamaty jazalandy. Bul týraly QR Іshki ister mınıstrliginen málim boldy, dep habarlaıdy QazAqparat tilshisi.

«2022 jylǵy 6 aı esebi boıynsha 29 951 shetel azamaty ákimshilik jaýapqa tartyldy», - delingen vedomstvonyń QazAqparat agenttigine bergen málimetinde.

Atap aıtqanda, bıyl 2022 jyly 27 maýsym men 4 shilde aralyǵynda osy baǵytta jedel-profılaktıkalyq is-sharasy ótkizildi.

Polıtsııa qyzmetkerleri sheteldikter kóp bolatyn qurylys obektilerin, bazarlardy, zańsyz jumysqa alatyn uıymdar men jumys berýshilerdiń nysandaryn tekserdi.

Operatsııa kezinde 12 288 kóshi-qon zańnamasyn buzý deregi anyqtaldy. Onyń ishinde 8 441-i sheteldiktiń memlekette bolý merzimin buzý, 3 718-i sheteldikti jumys kúshin zańsyz tartý jaǵdaılaryna qatysty derekter.

Kóshi-qon zańnamasyn buzǵany úshin sheteldikterdi elden shyǵarý týraly 969 sot sheshimi shyǵaryldy.