Jarty jylda beıimdeý ortalyqtarynyń qaraýynda 3,8 myńnan astam bala boldy

Búgin Astanadaǵy Ortalyq kommýnıkatsııalar qyzmetinde ótken brıfıngte Bilim jáne ǵylym mınıstrligi Balalar quqyǵyn qorǵaý komıtetiniń bas sarapshysy Erjan Jırenbaı osylaı málim etti.

«Qazaqstanda qazirgi kezde 18 Kámeletke tolmaǵandardy beıimdeý ortalyqtary jumys isteýde. Búginde osy ortalyqtar elimizde jetkilikti dep paıymdaımyz. Bıylǵy jylydyń 6 aıynda ortalyqtyń baıqaýynda 3838 bala boldy. Onyń ishinde 487-si ata-anasynyń qamqorlyǵynsyz, 3254-i qaraýsyz jáne panasyz qalǵan balalar»,-dedi ol.

QR Bas prokýratýrasynyń málimetinshe, 2015 jyldyń alty aıynda kámeletke tolmaǵandarǵa qatysty jasalǵan quqyq buzýshylyq 28,5 paıyzǵa (2014 j. 6 aıdaǵy 3908-den 2015 j. 6 aıda 2705-ke deıin) tómendedi. Sonymen qatar zorlyq-zombylyqty quqyq buzýshylyq 9,2 paıyzǵa azaıǵan.

Aıta keteıik, búginde balalardyń quqyqtaryn qorǵaý salasynda 400-ge jýyq qoǵamdyq birlestikter, úkimettik emes uıymdar belsendi jumys isteýde.