Jarty jyl ishinde Qazaqstanda 53 mln tonna kómir óndirildi
NUR-SULTAN. QazAqparat - Aǵymdaǵy jyldyń birinshi jartyjyldyǵynyń qorytyndysy boıynsha elimizdiń kómir óndirýshi kompanııalary 53,0 mln tonna kómir óndirdi, bul ótken jyldyń sáıkes kezeńimen salystyrǵanda 2,9% - ǵa artyq, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.
Esterińizge sala keteıik, bıyl Qazaqstanda 120 mln tonna kómir óndirý josparlanǵan. Osylaısha eldiń ishki naryǵyna 82 mln tonna, eksportqa 38 mln tonna kómir jetkiziletin bolady. Sondaı-aq, Ýkraına baǵytynda 80 myń tonnaǵa jáne QHR baǵytynda 50 myń tonnaǵa jetkizý kólemin ulǵaıtý máseleleri pysyqtalýda.
Búginde Mınıstrlik ákimdikterdiń derekteri negizinde 2020-2021 jyldarǵa kommýnaldyq-turmystyq úshin jáne halyqqa arnalǵan kómir ónimderine qajettilik josparyn qalyptastyrdy. Osy josparǵa sáıkes tutyný kólemi 10 mln tonnany quraıdy, onyń ishinde kommýnaldyq-turmystyq sektorǵa-2,8 mln tonna, halyqqa – 7,2 mln tonna.
Budan bólek, kómir salasyndaǵy áleýmettik jáne eńbek qatynastaryn retteý maqsatynda salalyq kásipodaqtar jáne QR kómir salasy uıymdarynyń jumys berýshileri arasynda Salalyq komıssııa quryldy. Qazirgi ýaqytta 2021-2023 jyldarǵa arnalǵan salalyq úsh jaqty kelisim ázirlenýde.
Sonymen qatar, búginde 2019-2021 jyldarǵa arnalǵan Qazaqstan Respýblıkasynyń kómir salasyn damytý boıynsha Jol kartasyn iske asyrý jumystary jalǵasýda. Atalǵan baǵdarlama salany qoldaýdyń júıeli sharalaryn qabyldaý jáne jańa jobalardy engizý jónindegi is-sharalardy qamtıdy.
Іri jobalardyń biri - «Bogatyr» razrezindegi kómir óndirýdiń tsıkldi-tolassyz tehnologııasy, ol kásiporynnyń óndiristik qýatyn jylyna 42 mln tonnadan 48 mln tonnaǵa deıin arttyrýǵa múmkindik beredi. Jańa tehnologııa ónimniń sapalyq sıpattamalaryn jaqsartady, kómirdi temir jol vagondaryna tıeýdiń salmaqty dáldigin qamtamasyz etedi jáne kómir tıeıtin vagondardyń aınalym ýaqytyn úsh esege qysqartady.
Aıta ketý kerek, jobanyń tıimdiligin arttyrý úshin sheteldik qarjy ınstıtýttarynyń qarajatyn tartý josparlanǵan, osylaısha jobanyń halyqaralyq deńgeıdegi mańyzdylyǵy artady. Kómir óndirýdiń jańa biregeı jabdyqtary men tehnologııalary engizilýde, bul ınnovatsııalyq quramdas bólikti aıqyndaıdy, sondaı-aq taý jynysyn qımalardyń ishine ornalastyrý josparlanýyna baılanysty kómir óndirýdiń qorshaǵan ortaǵa teris áserin barynsha azaıtýdy kózdeıdi.
