Jarty mıllıonnan astam qazaqstandyq salyq raqymshylyǵy aıasynda qaryzyn tóledi

NUR-SULTAN. QazAqparat - 20 qarashadaǵy jaǵdaı boıynsha 513 myń jeke tulǵa salyq raqymshylyǵy múmkindigin qoldandy. Olar 6,9 mlrd teńge kólemindegi bereshegin ótedi, al 772,7 mln teńgege jýyq ósimpul esepten shyǵaryldy, dep habarlaıdy QazAqparat Memlekettik kirister komıtetine silteme jasap.

Kólik salyǵynyń ósimpulyn tóleýden qutylǵandardyń sany kóptigi jaǵynan Almaty qalasynyń turǵyndary aldy. Olar 1,2 mlrd teńge qaryzyn tóledi, 117,8 mln teńge kólemindegi ósimpul esepten shyǵaryldy.

Jer salyǵy boıynsha 63,6 mln teńge qaryzyn tólegen Shymkent qalasynyń turǵyndary 7,2 mln teńge ósimpul tóleýden bosatyldy.

Nur-Sultan qalasynyń turǵyndary múlik salyǵy boıynsha ósimpuldy esepten shyǵarý kórsetkishinde reıtıngini bastady. Olardyń ósimpul boıynsha bereshegi 10,3 mln teńge. Astanalyqtar 59,3 mln teńge negizgi qaryzyn tólegen.

Esterińizge sala keteıik, ósimpuldy esepten shyǵarý aktsııasy bastalǵan kezde 1,5 mln jeke tulǵanyń jalpy 26,3 mlrd teńge qaryzy bar edi. Onyń ishinde negizgi qaryz somasy 21,8 mlrd teńge, ósimpuly - 4,5 mlrd teńge.

Komıtet jyl sońyna deıin salyqtyń negizgi qaryzyn tólegen jaǵdaıda ósimpuldan bosaty jónindegi raqymshylyq jasalatynyn eske salady.

Salyq raqymshylyǵyny ótkizý merzimi 2020 jylǵy 31 jeltoqsanǵa deıin.

«Ósimpuldy esepten shyǵarý úshin eshqaıda barýdyń qajeti joq. Qaryzdyń negizgi somasyn tólese jetkilikti. Ósimpul avtomatty túrde esepten shyǵarylady. Memlekettik kirister organdarynyń barlyq aýmaqtyq bólimshelerinde ósimpuldy esepten shyǵarý jónindegi komıssııa qurylǵan», delingen habarlamada.

Salyq beresheginiń bar/joq ekenin Memlekettik kirister komıtetiniń saıtynda, sondaı-aq eSalyq mobile mobıldi qosymshasy arqyly tekserýge bolady.