Jarty mıllıonǵa jýyq qazaqstandyqtar shetelde týrkodpen demaldy
ASTANA. QazAqparat - Shetelge demalýǵa attanǵan qazaqstandyqtardyń qaýipsizdigine kepil berý júıesi jumys isteı bastaǵaly beri 485 myń týrkod berilgen, dep habarlaıdy QazAqparat.
Týrıstik kod qarpi men sany bar 11-13 (baratyn elge qatysty) sımvoldan turady. Ol ár joldamany rásimdegen kezde avtomatty túrde beriledi. Týrıst oqys jaǵdaıǵa tap bolǵan kezde qorǵa habarlasyp, týrkodyn aıtýy kerek jáne táýlik boıy shuǵyl kómek ala alady.
Qazaqstandyqtarǵa 2017 jyldan bastap shetelge týrkodpen shyǵýǵa keńes beriledi. Arnaıy qurylǵan «Týrıstik qamqor» KQ shetelde kútpegen qıyndyqqa tap bolǵan sátte otandastardy elge tez arada oraltýdy kózdeıdi. Eń aldymen bul kómek mindetine salǵyrt qaraǵan týrıstik fırmalardan zardap shekkenderge beriledi.
«Týrıstik qamqor» qorynyń tizimine 56 týroperator engizilgen. Olarǵa qatysty aqparatty fondkamkor.kz saıtynan bilýge bolady.
Qazirgi ýaqytta elimizde shetelge shyǵatyndarǵa 140-taı týrkompanııa qyzmet kórsetedi. Alaıda 70-ten astam týroperator qazaqstandyqtardyń shetelde demalysyn qaterge tige otyryp, jasyryn túrde qyzmet kórsetip keledi.
«Týrıstik qamqor» qory shetelge demalýǵa baratyndarǵa elden ushyp shyǵardan buryn qonaqúıge bron jasalǵanyn, keri úıge qaıtatyn bıletiniń quny tólengenin, sonymen qatar týrkodynyń bar ekenin tekserip alýǵa keńes beredi.
