Jarty mıllıon ózbekstandyq koronavırýsqa qarsy vaktsına aldy

TAShKENT. QazAqparat – Ózbekstandaǵy ekpe naýqany bastalǵan kezden jarty mıllıon turǵyn COVID-19-ǵa qarsy vaktsına aldy, dep habarlaıdy QazAqparattyń menshikti tilshisi.

Ózbekstan Densaýlyq saqtaý mınıstrliginiń deregine sáıkes, búgingi kúni elde 510 329 azamat ekpe alǵan.

Óńirler arasynda burynǵydaı Ferǵana oblysy kósh bastap keledi, onda 70 757 adam ekpe aldy. Odan keıin tizimde Namanǵan oblysy – 50 910 adam, Samarqand oblysy – 49 202 adam, Qashqardarııa oblysy – 42 699 adam.

Eske sala keteıik, Ózbekstanda halyqty vaktsınalaý birte-birte júzege asýda: sáýir aıynda iri qalalar turǵyndary vaktsına alsa, mamyrda ekpe alýdy aýdan ortalyqtary men shaǵyn qalalar turǵyndary jalǵastyrady, maýsym aıynda aýyl turǵyndary vaktsınalanbaq. Vaktsınalaý eýropalyq AstraZeneca jáne qytaılyq ZF-UZ-VAC2001 preparattarymen júzege asyrylýda.