Jarty mıllıon qazaqstandyq tumaýǵa qarsy ekpe jasatty
ASTANA. QazAqparat - Jarty mıllıonǵa jýyq qazaqstandyq tumaýǵa qarsy ekpe jasatty. Bul týraly búgin Ortalyq kommýnıkatsııalar qyzmetindegi brıfıngte QR Densaýlyq saqtaý mınıstrligi Qoǵamdyq densaýlyqty saqtaý komıtetiniń tóraǵasy Jandarbek Bekshın aıtty, dep habarlaıdy QazAqparat tilshisi.
«Qazirgi ýaqytta shamamen 500 myń adam ekpe jasatty. Olar negizinen medıtsına qyzmetkerleri, júkti áıelder men balalar. Al jumys berýshiler bolsa ózderiniń 45 myń qyzmetkerine tumaýǵa qarsy ekpe júrgizdi», - dedi ol BAQ ókilderiniń saýalyna oraı.
Sonymen qatar Komıtet basshysynyń deregine sáıkes, shamamen 10 myń qazaqstandyq óz qarajattaryna tumaýǵa qarsy ekpe jasatqan.
«Búgingi kúni tumaý tıgizý derekteri tirkelgen joq. Aýrýdyń bastalýy jeltoqsannyń ortasyna qaraı bastalady dep kútýdemiz», - dedi Jandarbek Bekshın.
