Jarty ǵasyrda álemdik orman alqabynyń 70 paıyzy joıyldy
ASTANA. 25 sáýir. QazAqparat - Ǵalymdardyń zertteýi boıynsha adamzat balasy sońǵy 50 jylda álemdegi iri balyqtardyń 90 paıyzyn, álemdik orman alqabynyń 70 paıyzyn joıǵan.
Qalǵan 30 paıyz orman alqaby jylyna 5 sharshy mıl jyldamdyqpen otalyp jatyr, dep jazady «Alash aınasy» basyylymy.
Qustardyń barlyq túriniń tórtten biri jarty ǵasyrda joıylyp ketti, qalǵan 11 paıyzy joıylýdyń aldynda tur. Sútqorektilerdiń barlyq túriniń 18 paıyzyna, ósimdikterdiń 8 paıyzyna jáne balyqtardyń 5 paıyzyna joıylý qaýpi tóngen. «Ǵalamdyq keleńsiz qubylys osylaı jalǵasa berse, adam balasynyń ómirine orny tolmas nuqsan keledi», - deıdi ǵalymdar.
