Jarty jylda Ózbekstan shet memleketterden 571 mln dollarǵa gaz ımporttady

TAShKENT. KAZINFORM – Alǵashqy jartyjyldyqta Ózbekstan gazdyń eksportymen qatar, kógildir otynnyń ımportyn da arttyrdy, dep habarlaıdy Kazinform agenttiginiń menshikti tilshisi.

Ulttyq statıstıka komıtetiniń málimetinshe, qańtar-maýsym aralyǵynda Ózbekstan Túrkimenstan men Reseıden kógildir otyn satyp alý úshin 571,8 mln dollar jumsady. Ásirese, ımport kólemi maýsymda artyp, eń joǵary aılyq mólsher 286 mln dollarǵa teńeldi.

Al qamtylyp otyrǵan aralyqta resmı Tashkent 354,9 mln dollardyń gazyn eksportqa shyǵardy, bul ótken jyldyń sáıkes kezeńimen salystyrǵanda 50,5%-ǵa kóp. Negizgi satyp alýshy – Qytaı.

Bul rette resmı Beıjińge kóp kólemde gaz jetkizgender kóshin Máskeý bastap tur. Jyrty jyldyń ishinde Reseı Qytaıǵa 4,89 mlrd dollardyń kógildir otynyn eksporttaǵan. Sonymen qatar Túrikmenstan (4,21 mlrd dollar) men Qazaqstan da (503,2 mln dollar) iri eksporttaýshylar qatarynda.

Buǵan deıin habarlaǵanymyzdaı, bıyl jarty jylda Ózbekstannyń iri kásiporyndary 21,7 mlrd tekshe metr gaz óndirdi, bul ótken jyldyń sáıkes kezeńimen salystyrǵanda 700 mln tekshe metrge az.

Gazdyń kólemi tómendegenimen, kórshiles el kómir óndirisin arttyrdy. Atap aıtqanda, ózbekstandyq shahterler 6 aıda 3 mln tonnadan astam qatty otyn qazyp aldy. Bul ótken jyldyń sáıkes kezeńine qaraǵanda 400 myń tonnaǵa artyq.

Eske salaıyq, byltyr Ózbekstan gaz ımportyn arttyrdy. ıAǵnı, 2024 jyly shet elderden kógildir otyndy satyp alýǵa resmı Tashkent 1,6 mlrd dollardan astam qarajat baǵyttady. Bul 2023 jylmen salystyrǵanda 2 ese kóp.

Kógildir otyn óndirisin ulǵaıtý maqsatynda atalǵan el úkimeti bıyl 15 ýchaskede geologııalyq barlaý júrgizbek.