Jarty jylda Qazaqstannyń mýzeı-qoryqtaryna 784 myńnan astam adam bardy

Mýzeı-qoryqtar – mádenı týrızmdi damytýdaǵy mańyzdy ortalyqtardyń biri. Árqaısysy arheologııalyq eskertkishter, tarıhı oryndar, memorıaldyq keshender men ashyq aspan astyndaǵy biregeı mura nysandaryn biriktiredi.

Osyndaı baǵyttardyń qatarynda Joshy han men Alasha han keseneleri, Terekti áýlıe jáne Áýlıetaý ornalasqan Ulytaý, «Áziret Sultan» mýzeı-qoryǵy men Qoja Ahmet ıAsaýı kesenesi ornalasqan Túrkistan, sondaı-aq myńdaǵan kóne petroglıfterimen tanymal Tańbaly mýzeı-qoryǵy bar.

Ekskýrsııa júrgizýmen qatar, tarıhı-mádenı murany saqtaý isi de júıeli túrde jalǵasyp keledi. Tarıhı eskertkishterde ǵylymı zertteý isi atqarylyp, restavratsııalaý jáne saqtaý jumystary jasaldy. Atap aıtqanda, Qoja Ahmet ıAsaýı kesenesinde jeldetý shahtalary tekserilip, eskertkish qurylymdarynyń beriktigin saqtaýǵa baǵyttalǵan ǵylymı jumystar júrgizildi. Al Saraıshyq qalashyǵynda ǵylymı-restavratsııalyq jumystar atqarylyp, tarıhı jerleý oryndary qaıta qalpyna keltirildi.

Mádenıet jáne aqparat mınıstrligi málimetinshe, alǵashqy jartyjyldyqta 4 konferentsııa ótkizilip, 4 ǵylymı joba júzege asyryldy. Sonymen qatar «Esik» jáne «Berel» mýzeı-qoryqtarynyń qyzmetkerleri arhıv qorlaryn zerdeleý maqsatynda Túrkııa, Polsha jáne Qytaıda taǵylymdamadan ótip, ǵylymı ekspedıtsııalarǵa qatysty.

Ǵylymı jumystardyń nátıjesinde 9 ǵylymı maqala jaryq kórdi. Onyń ishinde halyqaralyq ǵylymı bazalar men salalyq basylymdarda jarııalanǵan eńbekter de bar. Budan bólek, sheteldik seriktestermen qosa alǵanda, 25 yntymaqtastyq týraly memorandýmǵa qol qoıyldy. Mýzeı-qoryqtardyń ókilderi Ankara, Sıan, ıAkýtsk jáne Astana qalalarynda ótken halyqaralyq forýmdarǵa qatysyp, tarıhı-mádenı murany saqtaý men nasıhattaý baǵytyndaǵy tájirıbelerin ortaǵa saldy. Sondaı-aq sala mamandarynyń eńbegi joǵary baǵalanyp, 10 qyzmetker memlekettik nagradamen marapattaldy.

Aıta keteıik, Qyzylorda oblystyq mýzeıi qundy qujatpen tolyqty.