Jarty jylda aýyl sharýashylyǵy jalpy óniminiń ósimi 1,6 trln teńgeni qurady

ASTANA. KAZINFORM — 2024 jyldyń 6 aıynda aýyl sharýashylyǵy jalpy óniminiń ósimi 1,6 trln teńgege jetti. Bul týraly Úkimettiń baspasóz qyzmeti málimdedi. 

«2024 jyldyń birinshi jartyjyldyǵynda Qazaqstannyń aýyl sharýashylyǵynyń jalpy ónimi 1,6 trln teńgege jetti, bul mal sharýashylyǵy men ósimdik sharýashylyǵyndaǵy ósimniń arqasynda múmkin boldy. Negizgi kórsetkishterge et óndirisiniń 4,1%-ǵa, sút óndirisiniń 4,8%-ǵa jáne taýyq jumyrtqasynyń 0,3%-ǵa artýy jatady», — delingen habarlamada.

Sondaı-aq birinshi jartyjyldyqta irimshik pen súzbe óndirisi — 16,8%-ǵa, óńdelgen kúrish — 11%-ǵa, ósimdik maıy — 9,3%-ǵa, ashytylǵan sút ónimderi — 5,6%-ǵa ósti.

Ósimdik sharýashylyǵynda jalpy ónim kólemi 72 mlrd teńgeni qurady, bul ótken jylmen salystyrǵanda 3%-ǵa artyq. Erte pisetin kókónis pen dándi daqyldar ósimge negizgi úles qosty.
Túrkistan, Qostanaı jáne basqa da 5 oblys ósý qarqyny joǵary negizgi óńirlerge aınaldy.