Jarty jylda Armenııa ekonomıkasy 6 paıyzǵa ósti
EREVAN. KAZINFORM – Alǵashqy jartyjyldyqta Armenııanyń ishki jalpy ónim kólemi 6%-ǵa ósti. Bul týraly parlament depýtattaryna 2027 jylǵa arnalǵan memlekettik bıýdjet jobasyn tanystyrǵan eldiń Qarjy mınıstri Vage Ovannısıan málim etti, dep habarlaıdy Kazinform agenttiginiń Erevandaǵy menshikti tilshisi.
- Іshki jalpy ónimniń kóleminiń artýy joǵary ekonomıkalyq damý qarqynyna baılanysty. Jalpy, Armenııa ekonomıkasynyń ósimi bıyl - 5,6%, al 2027 jyly 5,8% shamasynda bolady dep boljap otyrmyz. Máselen, alǵashqy jartyjyldyqta ósim 6%-ǵa jetti, - dedi Vage Ovannısıan.
Mınıstrdiń aıtýynsha, 2027 jyly memlekettik bıýdjet kiristeri - 3,6 trln dram (shamamen $9,5 mlrd), al shyǵystary 4,72 trln dram ($13 mlrd) shamasynda bolady.
Sonymen qatar keler jyly bıýdjet tapshylyǵyn 537 mlrd dramnan ($1,4 mlrd) 468 mlrd dramǵa ($1,2 mlrd) deıin qysqartý kózdelip otyr. Osy rette Vage Ovannısıan ekonomıkalyq táýekelderin eskere otyryp, 2027 jyly memlekettik qaryzdyń ishki jalpy ónimge shaqqandaǵy úlesi azdap ósetinin de atap ótti.
Eske salsaq, Armenııanyń Ortalyq banki bazalyq mólsherlemeni 7 paıyzǵa deıin kóterdi.
Buǵan deıin habarlaǵanymyzdaı, Armenııa úkimeti 2027 jyly bıýdjet tapshylyǵyn 3,4%-ǵa deıin tómendetýge nıetti.
