Jarty jylda 670 myńǵa jýyq ózbekstandyq demalysyn Qazaqstanda ótkizgen
TAShKENT. KAZINFORM – Bıyl alty aıda 3,5 mıllıon Ózbekstan azamaty demalysyn shetelde ótkizgen, dep habarlaıdy Kazinform agenttiginiń Tashkenttegi menshikti tilshisi.
Ózbekstan Ulttyq statıstıka komıtetiniń málimetinshe, saıahatshylardyń kóbi Qyrǵyzstan (1,5 mln adam), Qazaqstan (667,5 myń adam) jáne Tájikstanǵa (619,5 myń adam) barǵan.
Sondaı-aq Reseı (183 myń adam), Saýd Arabııasy (153 myń adam) jáne Túrkııaǵa (127 myń adam) saparlaǵan azamattar da az emes.
Eske salaıyq, bıyl bes aı ishinde 1,2 mıllıonnan astam qazaqstandyq Ózbekstanǵa saıahattap barǵan.
Qosa ketsek, Ózbekstan Memlekettik keden komıtetiniń Strategııalyq josparlaý jáne kedendik rásimderdi ońtaılandyrý basqarmasynyń bastyǵy Farhod Olımjonov Kazinform agenttigine bergen suhbatynda saıahatshylar qaperde ustaýy tıis erejelerdi aıtqan edi.
