Jarty jylda 4,5 myńnan astam qazaqstandyq Ózbekstanǵa emdelý úshin barǵan
TAShKENT. KAZINFORM — Qańtar-maýsym aılary aralyǵynda em alý maqsatynda Ózbekstanǵa 35 myńnan astam sheteldik kelgen, dep habarlaıdy Kazinform agenttiginiń Tashkenttegi menshikti tilshisi.
Ózbekstan Ulttyq statıstıka komıtetinen málim etkendeı, medıtsınalyq qyzmetter alý úshin atalǵan memleketke eń kóp kelgender — Tájikstan (19 myń adam) men Qyrǵyzstan (9,5 myń adam) azamattary.
Odan keıin qazaqstandyqtardyń úlesi basym. Bıyl 6 aıda dertine daýa izdegen 4 582 Qazaqstan azamaty Ózbekstanǵa barǵan.
Kelesi oryndarda Aýǵanstan (1,2 myń adam) jáne Reseı (772 adam) tur.
Eske salaıyq, jarty jylda 1,5 mıllıonnan astam qazaqstandyq Ózbekstanǵa saıahattap barǵan.
Sondaı-aq, otandyq ınvestorlar bir aıda Ózbekstanda 20-dan astam kompanııa qurdy.
