Jarty jylda 1,5 mıllıonnan astam qazaqstandyq Ózbekstanǵa saıahattap barǵan
TAShKENT. KAZINFORM — Jarty jylda Ózbekstanǵa 6,5 mıllıonnan astam sheteldik týrıst saıahattap keldi, dep habarlaıdy Kazinform agenttiginiń Tashkenttegi menshikti tilshisi.
Ózbekstan Ulttyq statıstıka komıtetiniń málimetinshe, 6 aıda sheteldik týrısterdiń sany 24,9%-ǵa ósti. Saıahatshylardyń kóbi Qyrǵyzstan (1,8 mln adam), Qazaqstan (1,5 mln adam) jáne Tájikstannan (1,4 mln adam) kelgen.
Sondaı-aq, Reseı (585 myń adam), Aýǵanstan (238 myń adam) jáne Qytaı (223 myń adam) azamattarynyń úlesi basym.
Komıtettiń málimetinshe, saıahatshylardyń kóbi Tashkent, Samarqand, Buhara jáne Hıýa qalalarynyń kórikti jerlerin aralaǵan.
Eske salaıyq, jarty jylda 670 myńǵa jýyq ózbekstandyq demalysyn Qazaqstanda ótkizgen.
Qosa ketsek, Ózbekstan Memlekettik keden komıtetiniń ókili Farhod Olımjonov Kazinform agenttigine bergen suhbatynda saıahatshylar qaperde ustaýy tıis erejelerdi aıtqan edi.
