Jarty mıllıon bala bir mezgilde kópshilikke tanymal kúılerdi oryndady
ASTANA. KAZINFORM — Jańa Konstıtýtsııany qoldaý maqsatynda elimizdiń barlyq bilim berý uıymdarynda «Kúı kúmbiri» respýblıkalyq dombyrashylar aktsııasy ótti.
Sharanyń maqsaty – ulttyq mádenı murany saqtaý, bilim alýshylardyń estetıkalyq talǵamy men patrıottyq sezimderin kúsheıtý, sondaı-aq balalardyń dombyrada oınaý sheberligin nasıhattaý. Aktsııa bıyl tsıfrlyq tehnologııalar men jasandy ıntellekt áleýetine basa nazar aýdara otyryp júzege asyryldy.
Aktsııa barysynda qatysýshylardyń tańdaýy boıynsha bir mezgilde halyq kúıi «Tepeńkók», «Álqıssa», «Erke sylqym» sekildi tanymal kúıler oryndalady. Sharaǵa tek mektep oqýshylaryn ǵana emes, sonymen qatar mektepke deıingi uıymdardyń eń kishkentaı tárbıelenýshileri jáne kolledj stýdentterin de qatysty.
Mańǵystaý oblysynda qatysýshylar tek dombyrada ǵana emes, sondaı-aq jetigen sekildi kóne ulttyq aspaptarda da kúıler oryndap, qazaqtyń mýzykalyq murasynyń baılyǵy men tereńdigin kórsetti. Al Astana qalasynda Oqý-aǵartý mınıstrliginiń qyzmetkerleri balalarmen birge kúı tartty.
Aıta ketelik Naýryznama onkúndigi aıasynda 21 naýryz – Yntymaq kúni bolyp belgilengen.
