Jartastan túse almaı qalǵan balaǵa qutqarýshylar shaqyryldy - ShQO
ÓSKEMEN. QazAqparat – Shyǵys Qazaqstan oblysy Glýbokoe aýdanynda jartastan túse almaı qalǵan bala qutqaryldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Glýbokoe kentindegi Altynsarın kóshesi mańyndaǵy jartastardyń arasynda 12 jastaǵy bala jalǵyz oınap júrgen. Kenet ol ózdiginen ne bıikke shyǵa almaı, ne tómenge túsýge batyly jetpeı, sol mańaıdan ótip bara jatqan adamdardan kómek surap aıǵaılaǵan.
«Kýágerler birden qutqarýshylardy shaqyrǵan. №23 órt sóndirý bóliminiń qyzmetkerleri arqannyń kómegimen balany alyp shyqty. Ol eshqandaı jaraqat almaǵan», - dep habarlady vedomstvo ókilderi.
Osy rette, TJD mamandary ata-analarǵa balalardy jalǵyz qaldyrmaýǵa, olarǵa daladaǵy qaýip-qater jaıly túsindirýge keńes beredi. Qandaı da bir qıyndyq týyndap jatsa jedel «112» nómirine habarlasý qajet.
