Jartastan qulaǵan adam Facebook-tiń arqasynda aman qaldy
ASTANA. QazAqparat - Amerıkalyq týrıst Facebook jelisiniń arqasynda aman qaldy. Qutqarýshylar onyń turǵan jerin Facebook arqyly anyqtaǵan.
Amerıkalyq týrıst 11 jastaǵy ulymen Kalıfornııanyń taýly shatqalynda Berrıessa ózeniniń mańynda saıahattap júredi. Er adam abaısyzda aıaǵy taıyp ketip, 45 metr bıiktikten qulap ketedi. Al balasy bolsa qutqarý qyzmetin shaqyrady. Olar turǵan jerde baılanys nashar bolǵandyqtan bala qaı jerde turǵandaryn aıtyp úlgermeı qalady. Qutqarý qyzmeti olarǵa birneshe ret qońyraý shalsa da, baılanys úzile bergen.
Sol kezde qutqarý qyzmetiniń bir qyzmetkeri er adamnyń turǵan jerin Facebook arqyly izdep kórýge usynys jasaǵan. Olardyń jelidegi paraqshalarynda er adamnyń balasymen Berrıessa ózeniniń qasynda túsken fotosy salynǵan eken, al sýrettiń astynda olar qaıda turǵandaryn jáne qaı jaqqa bet alatyndaryn jazǵan.
Abyroı bolǵanda, qutqarýshylar az ýaqyt ishinde atqaldan qulaǵan týrısti taýyp alady. Oǵan kórsetilgen jedel kómektiń arqasynda er adam aman qaldy, dep jazady sheteldik BAQ.
