Jartasqa shyǵyp qyzyna usynys jasap, qaıtadan jerge túse almaı qalǵan amerıkalyq qutqaryldy (VIDEO)
ASTANA. QazAqparat - Kalıfornııanyń 27 jastaǵy turǵyny Maıkl Benks Moro jartasyna shyǵyp, ústinen súıikti qyzyna usynys jasamaq bolǵan. Bastapqyda barlyǵy josparǵa saı júrgen: jartasqa shyǵyp, vıdeo selfı qoldanbasy arqyly súıiktisimen baılanysqa shyǵady, ol kelisimin beredi.
Quzdan túspek bolǵan jigittiń jaǵdaıy qıyndaıdy. Jartastyń orta tusynda jetip, bir ketikke aıaǵyn tirep turady. Odan ári túse almaı qalady.
Keıin ol jerge qutqarýshylar kelip, taýda qalyp qoıǵan adamdy alyp túsýge tikushaq shaqyrtylady.
Maıkl Benksti qutqaryldy. Biraq tártip saqshylary oǵan tikushaqty paıdalanǵany úshin aqsha tóleýdi mindettedi. Sonymen qatar, qorǵalatyn jartasqa ruqsatsyz shyqqany úshin aıyppul saldy.
Degenmen oqıǵa munymen bitpedi. Az ýaqyt ótken soń ony polıtsııa esirtki paıdalanǵany úshin qamaýǵa aldy. Al onyń ýáde bergen qyzy kúıeýge shyǵýdan bas tartyp jatyr, dep jazady PhoneArena.
