Jarnasyz avtonesıe quny 10 mln teńgeden aspaıtyn kólikterge ǵana berile me
«Keshe 4 paıyzben jeńildetilgen avtonesıe beremiz dedik. Al búgin «Ol kredıt tek qana quny 10 mln teńgeden aspaıtyn belgili bir modelge ǵana beriledi eken» dep jatyr. Bul da feık aqparat. Ol kólik qunyna baılanysty emes. Beriletin kredıtke baılanysty. ıAǵnı, 10 mln teńgege deıin kredıt beriledi. Eger mashına quny osyǵan saı bolsa emin-erkin alasyz. Al alatyn mashınańyzdyń quny odan qymbat bolsa, onda siz 10 mln ústindegi 1 ne 2 mln teńgeni qaltańyzdan tóleısiz», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.
Sonymen qatar, keıbir BAQ jańa avtonesıe baǵdarlamasy avtomobıldiń tek 2-3 modeline beriletindigin jazyp jatqanyn aıtty.
«Ondaı emes. Barlyq modelge beriledi. Biraq, Hyundai Palisade sııaqty qymbat model bar. Olarǵa berilmeıdi. 25 mln teńgege mashına satyp alýǵa jaǵdaıy bar adamdar óz qarajatyna alsyn. Bizdiń oıymyz - qaltasy kótermeıtin halyqty qoldaý», - dedi Marat Qarabaev.
