Jarnama týraly jańa ózgerister enýi múmkin - Mádenıet jáne aqparat vıtse-mınıstri
ALMATY. Qarashanyń 25-i. QazAqparat /Erlik Erjanuly/ - Mádenıet jáne aqparat mınıstrligi endi aqparat quraldarynda beriletin jarnamanyń kem degende 50 paıyzy qazaq tilinde bolý kerek degen usynysqa zertteý júrgizbek.
Bul búgin Almatyda ótip jatqan ІІ medıa quryltaıda sóz boldy, dep habarlaıdy QazAqparat.
«Qazaq tildi aqparat quraldaryn damytýymyz kerek. Onyń túrli tetikteri bar. Ondaı usynystar búgin de aıtyldy. Mysaly, elektrondyq aqparat quraldarynda qazaq tilindegi habarlardyń úlesi 50 paıyzdan kem bolmaýy kerektigi zańda kórsetilgen. Biz endi jarnamanyń kem degende 50 paıyzy memlekettik tilde bolý kerek degen usynysqa zertteý júrgizip, quzyrly zań shyǵarýshy organǵa usynymdar ázirlemekpiz. Ol qanshalyqty iske asyrylatyny Úkimetke baılanysty», dedi Mádenıet jáne aqparat vıtse-mınıstri Ǵazız Telebaev. Onyń paıymdaýynsha, aqparat quraldary jarnama qabyldaýshylar. Ony mindetteý qıyn. Sondyqtan «Jarnama týraly» zańǵa jańa ózgerister jasalyp, salyqqa qatysty jeńildikter engizilýi múmkin. Bul aqparat quraldarynda qazaq tilindegi jarnamany ulǵaıtýdyń bir tetigi retinde qarastyrylýda.
