Jarnama salasyndaǵy ákimshilik kedergilerge qatysty mesele Úkimette qaralady - K. Másimov
ANA. 15 shilde. QazAqparat /Jasulan Amanbaıuly/ - Búgin Zakon.kz portalynda ótken beıne-onlaın konferentsııasy barysynda QR Premer-Mınıstri Kárim Másimov syrtqy jarnamalardy ornalastyrý kezinde bolatyn kedergilerdi joıýǵa ýáde berdi.
Onlaın-konferentsııa kezinde portaldy paıdalanýshylardyń biri Qazaqstanda jarnamalardyń quny tym joǵary ekendigine qynjylys bildirip, syrtqy jarnamalardy ornatý barysynda ákimshilik kedergiler men qosymsha salyq aýyrtpalyqtarynyń kóp bolyp otyrǵandyǵyn aıtqan bolatyn.
«Týyndap otyrǵan jarnamaǵa qatysty aıtar bolsam, meniń oıymsha, bul máseleni sheshý úshin tıisti tapsyrma beremin. Jáne bul túıtkildi kásipkerlik máselesi boıynsha biryńǵaı úılestirý keńesiniń kelesi otyrysynda qarastyramyz», - dep atap ótti ol.
