Jarma aýdanynda azyq-túlik baǵasy turaqty - ShQO

ÓSKEMEN. QazAqparat – Shyǵys Qazaqstan oblysy Jarma aýdandyq kásipkerlik jáne aýyl sharýashylyǵy bóliminiń basshysy M. Qasymova azyq-túlik baǵasyn turaqtandyrý maqsatynda atqarylyp jatqan jumystarǵa toqtaldy, dep habarlaıdy QazAqparat tilshisi.

- Prezıdent tapsyrmasyn oryndaý jónindegi is-qımyl josparynyń basym baǵyttarynyń biri – azyq-túlik baǵasynyń turaqtylyǵyn saqtaý. Jarma aýdanynda atalǵan tapsyrmany iske asyrý boıynsha tıisti jumystar qolǵa alynýda. Aýdanda arnaıy monıtorıngtik toptar quryldy. Mundaǵy negizgi maqsat - kásipkerlerge áleýmettik mańyzy bar azyq-túlik taýarlaryna ústeme baǵany belgilengen mólsherden asyrmaý týraly túsindirý jumystaryn júrgizý, - dedi ol.

Monıtorıngtik top músheleri aýdan ortalyǵy Qalbataý aýylyndaǵy birneshe azyq-túlik dúkeniniń ıelerimen kezdesti. Dúkenderdi aralaý barysynda áleýmettik mańyzy bar azyq-túliktiń 19 túriniń baǵasy turaqty ekenine kóz jetkizildi.

- Halyq kóp tutynatyn ónimderge kásipkerler negizsiz baǵa qosýǵa yntaly emesterin, onyń tek oblystaǵy iri eki qaladan tasymaldanatyn kóterme saýdaǵa baılanysty ekendigin alǵa tartýda. Aıta ketý kerek, búginde «Kámshat» azyq-túlik dúkeninde «Barlyǵy rahmet úshin» áleýmettik buryshy ashyldy. Onda az qamtylǵan otbasylar nan, un, sút syndy jıi tutynatyn ónimderge qol jetkize alady, - dedi bólim basshysy.