«Jarqyra, jaına, Astana!» atty músháıra jeńimpazdaryna marapat Kongress-Hollda tapsyrylady
ASTANA. 29 maýsym. QazAqparat - Shildeniń alǵashqy kúni Kongress-Holl saraıynda (saǵat 19-00) «Jarqyra, jaına, Astana!» atty músháırada jeńip shyqqandarǵa marapat tapsyrylady.
Aıta ketý kerek atalǵan respýblıkalyq jyr músháırasyn Astana ákimdiginiń qoldaýymen Sáken Seıfýllın murajaıy jáne Qazaqstan Jazýshylar odaǵynyń Astana qalalyq fılıaly uıymdastyrǵan. Bul shara elordanyń 15 jyldyq mereıtoıyna arnaldy.
Osy jyr báıgesinde baq synaýǵa elimizdiń ár óńirinen jáne sheteldegi qandastarymyzdan da Astanany jyrlaǵan óleń-tolǵaýlary kelip túsken. 70-ke jýyq aqyndar qatysqan músháırada tanymal aqyn, halyqaralyq «Alash» ádebı syılyǵynyń laýreaty, QR eńbek sińirgen qaıratkeri Serik Turǵynbekuly bas júldeni jeńip alǵan bolatyn. Qazylar alqasy onyń «Astana - Dastan» atty óleńder tsıklin teńdessińz týyndy dep tanyǵan.
Bul músháırada birinshi, ekinshi jáne úshinshi, sondaı-aq yntalandyrý syılyqtaryna ıe bolǵandar da 1 shilde kúni elorda tórinde marapattalmaq.
