Jarqyn jeńisterinen keıin qazaqstandyq boksshylardyń reıtıngi joǵarylady

ASTANA. QazAqparat - Qazaqstandyq boksshylar Nurzat Sabyrov (8-0, 7 KO) pen Sadrıddın Ahmedov (5-0, 5 KO) Kanadanyń Rımýskı qalasyndaǵy Le Centre Financiere Sun Life kesheninde kezekti jekpe-jekterin ótkizdi, dep habarlaıdy QazAqparat Sports.kz saıtyna silteme jasap.

Sabyrov ekinshi raýndta tájirıbeli meksıkalyq boksshy Rokkı Montoıony ekinshi raýndta tehnıkalyq nokaýtpen jeńdi. Bul jeńis oǵan BoxRec.com saıtynyń reıtınginde 21 pozıtsııaǵa (ekinshi orta salmaq) kóterilýge yqpal etti. Endi ol - 104-orynda. Nurzat sondaı-aq 108-orynda turǵan Jánibek Álimhanulyn (4-0, 1 KO) basyp ozdy.

Sondaı-aq BoxRec reıtınginde qarsylasyn nokaýtqa túsirgen taǵy bir qazaqstandyq boksshy kóterildi. 20 jastaǵy Sadrıddın Ahmedov meksıkalyq Hose Fransısko Sýnıgýdy (14-12-2, 5 KO) jeńip, 224-orynnan 187-ge (orta salmaq) kóterildi. Degenmen, aıta keterligi, Sadrıddın ázirge birinshi orta salmaq sanatynda óner kórsetýde.