Jarqyn bolashaqqa úmit: Sal aýrýyna shaldyqqan balalar alǵashqy qadamdaryn basty - FOTO

ASTANA. QazAqparat - Balalar tserebraldy sal aýrýy - sońǵy jyldary eń keń taralǵan aýrýlardyń biri bolyp otyr. Bul aýrý shala damýdyń nemese ontogenezde mıdyń zaqymdanýynan paıda bolady. Balalar tserebraldy sal aýrýy ár túrli qımyl-qozǵalys, psıhıkalyq jáne sóıleýdiń buzylystarynan kórinis beredi. ıAǵnı, bundaı aýrýmen aýyratyn balalardyń sóıleý, oılaý qabiletteri tómen bolady. Balalar tserebraldy sal aýrýy qalypty dene jaǵdaıyn ustaı alýǵa qabiletsizdikten jáne erikti áreketterdi oryndaı almaýdan da kórinedi. Qımyl-qozǵalys buzylystary (sal bolýy, parez, koordınatsııanyń buzylýy) psıhıkanyń, sóıleýdiń, kórýdiń, estýdiń, sezimtaldyqtyń buzylýyna ákelýi múmkin.

Búgingi tańda, resmı málimet boıynsha, elimizde osyndaı dıagnoz 10 myńnan astam balaǵa qoıylǵan. Bundaı balalar jyl saıyn kem degende 3-4 ret em qabyldap otyrýlary tıis.

Osyndaı dertke shaldyqqan naýqas balalarǵa qoldaý kórsetip, qol ushyn sozý maqsatymen «Qasıetti jol» qaıyrymdylyq qory qurylǵan.

«Qasıetti jol» qory aýyr naýqasqa shaldyqqan áleýmettik jaǵdaıy tómen otbasylardan shyqqan balalar men jetimderge elimizde jáne shetelde qajetti emdik sharalaryn alýǵa qajetti qarajat jınap, kómek kórsetip keledi. Búgingi tańda qaıyrymdylyq qorynyń «Samuryq-Qazyna» ál-aýqat qory, «Nur Otan» partııasy, Qazaq gýmanıtarlyq zań ýnıversıtetimen birlesken aýqymdy jobalary bar. Solardyń biri «Samuryq-Qazyna» ál-aýqat qorynyń qoldaýymen Astanada Ońaltý ortalyǵy ashyldy. Al «Nur Otan» partııasymen birlesip, «Deni saý urpaq - ult bolashaǵy» jobasy aıasynda Qazaqstannyń barlyq óńirindegi balalar úıine qajetti ońaltý qurylǵylaryn ornalastyrdy. Qoǵamdyq qordyń dırektory Gúlmıra Álimova men ońaltý ortalyǵynyń meńgerýshisi Aınur Nurqojaevanyń birlesip júrgizgen jumystarynyń arqasynda qaıyrymdylyq qory 200-den astam balanyń joǵary dárejedegi ońaltý kýrsynan ótýge septigin tıgizdi.

«Balalar ońaltý ortalyǵynda 21 kún em qabyldaıdy. Qazirde elordadan 20 bala men aımaqtardan 5 bala kelip ońaltý kýrsynan ótýde», - deıdi Gúlmıra Álimova.

Ortalyqta nevropatolog, emdik dene shynyqtyrý dárigeri, logoped, psıholog, defektolog, eńbek terapevi, t.b. mamandar qyzmet jasaıdy. Sondaı-aq qaıyrymdylyq qory Astana qalasynda ashylǵan Ońaltý ortalyǵyna Dýbaıdan osy salanyń eń myqty mamandaryn shaqyrdy. Negizgi maqsat - sal aýrýyna shaldyqqan sábılerge kásibı em-dom usynyp, ońaltý ortalyǵy mamandaryn oqytý.

Dýbaılyq dárigerlerdiń kómegimen "Qasıetti jol" ońaltý ortalyǵynyń mamandary terra-kostıýmdermen jattyǵý jasaý amaldarynyń búge-shúgesin tolyqtaı meńgerdi.

30 qazan kúni atalmysh qor «Deni saý urpaq - ult bolashaǵy» atty esep kontsertin ótkizdi. Merekege QR Premer-Mınstriniń orynbasary Gúlshara Ábdiqalyqova, «Samuryq-Qazyna» AQ basqarýshy dırektory Darhan Qaletaev, «Nur Otan» partııasynyń ókilderi, t.b. qatysty.

Shara kezinde «Samuryq-Qazyna» AQ basqarýshy dırektory Darhan Qaletaev osy ortalyqta em qabyldap, alǵashqy qadamdaryn jasaı bastaǵan 5 jasar Bekarys esimdi balanyń tusaýyn kesti. Bul qordyń jetkizgen jalǵyz jetistigi emes. Qamqorlyǵyna alǵan balalardyń barlyǵynda derlik oń nátıjeler baıqalýda. Ortalyqta 9 aı keshendi emdeý kýrsynan ótken 200 balanyń 183-iniń jaǵdaıy jaqsarǵan. Bul - jaqsy kórsetkish.

«Qasıetti joldyń» sharapaty áli talaı búldirshinniń aıaǵynan tik turyp ketýine septigin tıgizetini anyq.

Gúlden Ospanova