«Jarqyn bolashaq» olımpıadasynyń 42 júldegerine elimizdiń joǵary oqý oryndarynyń bilim granty tabystaldy - «KATEV» qory
«Elbasy Nursultan Nazarbaevtyń «Qazaq tili ǵajap til, tek biz ony nasıhattaı bilýimiz kerek», degen sózin tý etip, jyl saıyn «Jarqyn bolashaq» qazaq tili olımpıadasy ótip keledi. Bul olımpıadany ótkizýdegi basty maqsat - memlekettiń mártebesin kóterý, qazaq jáne ózge ult ókilderiniń qazaq tiline degen qyzyǵýshylyǵyn arttyrý, olarǵa ulttyq qundylyqtarymyzdy, salt-dástúrimizdi, tarıhymyzdy boıyna sińirý arqyly «Máńgilik el» jalpyulttyq ıdeıasyn júzege asyrý bolyp tabylady», - dedi ol.
Onyń atap ótinshe, bıyl 8-shi ret ótkizilgen «Jarqyn bolashaq» qazaq tili olımpıadasyna elimizdiń túpkir-túpkirinen 5 myńǵa jýyq daryndy jastar qatysyp, 172-si jeńimpaz atanǵan jáne olardyń 42-sine joǵary oqý oryndarynyń bilim granttary tabystalǵan.
«Osy joly olımpıadaǵa birinshi ret Qyrǵyzstan, Ózbekstan, Mońǵolııa jáne Altaı ólkelerinen kelgen qandastarymyz qatysty. Kindik qany tamǵan jerge kelgen birqatar qazaq balasyna da joǵary oqý oryndarynyń granttary bólinip, olarǵa Atajurtynda bilim alýǵa jaǵdaı jasaldy», - dedi D.Óte.
