Jarqyn Jumadilov Abaı oblysy ishki saıasat basqarmasynyń basshysy bolyp taǵaıyndaldy
SEMEI. KAZINFORM – Abaı oblysy ishki saıasat basqarmasynyń basshysy laýazymyna Jarqyn Jumadilov taǵaıyndaldy.
Jarqyn Túsipbekuly 1985 jyly Semeı qalasynda dúnıege kelgen. Ál-Farabı atyndaǵy Qazaq ulttyq ýnıversıtetin «saıasattaný» mamandyǵy boıynsha támamdaǵan.
Eńbek jolyn jýrnalıstıka salasynda bastaǵan. «Qazaq radıosynda» redaktor jáne júrgizýshi, «Alash aınasy» gazetinde saıası sholýshy, «Ult TIMES» gazeti bas redaktorynyń orynbasary, «Qazaqstan RTRK» AQ strategııalyq marketıng departamentiniń shef redaktory qyzmetterin atqarǵan.
Ár jyldary QR Prezıdenti janyndaǵy Qazaqstan strategııalyq zertteýler ınstıtýtynda sarapshy, «Nur Otan» partııasy janyndaǵy zertteý ınstıtýtynyń aqparattyq monıtorıng bólimine basshylyq jasady.
2016-2019 jyldary aralyǵynda BQO ákiminiń baspasóz hatshysy, keńesshisi jáne apparat basshysynyń orynbasary bolyp eńbek etti.
2019-2020 jyldary «Elorda Aqparat» JShS dırektory qyzmetin atqarsa, 2021-2023 jyldary QR Prezıdenti baspasóz qyzmetiniń ınspektory bolyp jumys istedi.
2023 jyldyń mamyr-qyrkúıek aılarynda Abaı oblysy ákiminiń keńesshisi boldy.
2023 jyldyń qyrkúıek aıynan osy ýaqytqa deıin QR Prezıdenti ákimshiliginde sektor meńgerýshisi laýazymyn atqardy.
Eske salsaq, osyǵan deıin Arman Isetov Syrtqy ister mınıstriniń orynbasary bolyp taǵaıyndalǵany jaıly jazǵanbyz.