Jarkenttegi aýdanaralyq kóp salaly aýrýhanaǵa tórt «Jedel járdem» kóligi tapsyryldy
JARKENT. QazAqparat – Panfılov aýdanaralyq kópsalaly aýrýhanasyna tórt «Jedel járdem» kóligi tapsyryldy, - dep habarlaıdy QazAqparat tilshisi.
Qashan da qalt aıtpaıtyn halqymyz ejelden-aq «Birinshi baılyq – densaýlyq» dep el amandyǵyn saqtaýǵa aıryqsha mán bergen. Búgingi tańda da bul máselege erekshe kóńil bólinip, halyq densaýlyǵyn qorǵaý maqsatynda búkil elimizde memlekettik deńgeıde qyrýar jumystar júzege asyrylýda. Koronovırýs indeti órship, kúlli álemdi, onyń ishinde bizdiń eldi de ábigerge salǵan qazirgideı kezeńde mundaı sharalardy qoldaný óte mańyzdy ekeni aıtpasa da túsinikti bolsa kerek. Osyǵan oraı, bul salaǵa qamqorlyq kúnnen-kúnge kúsheıip, densaýlyq saqtaý salasyn damytý men reformalaýǵa, emdeýdiń jańa tehnologııalary men ádisterine kóshýge basa nazar aýdarylýda. Almaty oblysynyń ákimi A. Ǵ. Batalovtyń qoldaýymen óńirdiń shalǵaı aýdandaryndaǵy aýrýhanalarǵa arnaıy jyljymaly medıtsınalyq keshender berilýi – osynyń aıqyn aıǵaǵy. Sonyń ishinde Panfılov aýdanyna da osy zamanǵy ozyq dárigerlik emdeý quraldarymen jabdyqtalǵan tórt birdeı «Jedel járdem» kóligi bólindi.
Osy qýanyshty sharaǵa baılanysty Jarkent qalasynyń ortalyq alańynda ótken shaǵyn jıynda aýdan ákimi T. Á. Ómirálıev quttyqtaý sóz sóılep, Qazaqstan Respýblıkasy «Densaýlyq saqtaý isiniń úzdigi», «Parasat» ordeniniń ıegeri Tóleý Qumarbekuly Sarpekov basqaratyn Panfılov aýdanaralyq kópsalaly aýrýhanasynyń «Jedel járdem» ortalyǵynyń qyzmetkerlerine kólikterdiń kiltterin saltanatty túrde tabys etti.
