Jarkenttegi ákimdik rezıdentsııasy balalardy ońaltý ortalyǵyna aınalady

TALDYQORǴAN. QazAqparat - Qanat Bozymbaev Jarkent qalasyndaǵy ákimdik rezıdentsııasyn balalardy ońaltý ortalyǵy jasaýdy usyndy, dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.

Panfılov aýdany turǵyndarymen kezdesý ótkizgen Qanat Bozymbaev, «sóz reti kelgende aıta keteıin, osy Jarkent qalasynda oblys ákiminiń rezıdentsııasy tur. Jeriniń kólemi 1 gektar. Rezıdentsııany balalardy ońaltý ortalyǵyna ótkizip beremin. Bul balasynyń ómir súrýi úshin ár sátin kúrespen ótkizip jatqan, erekshe balalardy baǵyp-qaǵyp otyrǵan ata-anaǵa óte kerekti ortalyq bolady dep oılaımyn», - dedi.

Jalpy Jarkenttegi oblys ákiminiń rezıdentsııasy 2013 jyly salynǵan. Bir qabatty ǵımarattyń kólemi 910 sharshy metr. Jer aýmaǵy 1 ga.